AYANOMA-ში ვიყენებთ სხვადასხვა ნაკეთობებს, რომლებიც ასახავს იაპონურ ტექნიკასა და სულისკვეთებას.
ზოგიერთი მათგანი მაღაზიაში შესაძენადაც არის ხელმისაწვდომი.
KONO Meimon Filter
KONO Meimon ფილტრი არის ხელით დამზადებული (Hand brew) ყავის ფილტრი, რომელიც შექმნილია იაპონური კომპანია Coffee Syphon Co., Ltd.-ის მიერ – ყავის აღჭურვილობის ერთ-ერთი ძველი და ცნობილი მწარმოებლის მიერ. კომპანია, რომელიც 1925 წელს დაარსდა, გახდა ერთ-ერთი პირველი იაპონიაში, რომელმაც სიფონის ტიპის ყავის მოსადუღებელი მოწყობილობების წარმოება დაიწყო. მრავალი წლის განმავლობაში ყავის მომზადების ხელსაწყოების კვლევისა და დახვეწის შედეგად, 1973 წელს წარმოდგენილი იქნა KONO Meimon დრიპერი.
Mino Ware
მინო კერამიკა (Mino Ware) იაპონიის ერთ-ერთი ყველაზე ფართოდ წარმოებული კერამიკის სახეობაა, რომელიც სათავეს იღებს Tōno-ს რეგიონიდან, Gifu-ს პროვინცია. მისი ისტორია 1300 წელზე მეტს ითვლის და სუეს კერამიკის (Sue ware) წარმოებით იწყება გვიან kofun-ის პერიოდში.
Momoyama პერიოდის ეპოქაში, ჩაის კულტურის აყვავებასთან ერთად, მინო კერამიკამ მნიშვნელოვანი მხატვრული განვითარება განიცადა. სწორედ ამ პერიოდში ჩამოყალიბდა ისეთი გამორჩეული სტილები, როგორიცაა Shino, Oribe, Kiseto და Setoguro, რომელთაგან თითოეული იაპონური ესთეტიკის უნიკალურ მხარეს გამოხატავს.
Nanbu Tetsubin
Nanbu Tetsubin არის ტრადიციული იაპონური თუჯის ჩაიდანი და ნამბუს რკინის ნაკეთობების (Nanbu Ironware) ერთ-ერთი ყველაზე ცნობილი პროდუქტი. ტრადიცია სათავეს იღებს Iwate-ს პროვინციაში – ჩრდილოეთ იაპონიაში.
მისი ისტორია XVII საუკუნიდან იწყება, როდესაც რკინის ჩაიდნები იაპონური ჩაის ცერემონიის კულტურასთან ერთად განვითარდა. საუკუნეების განმავლობაში ოსტატები მუდმივად ხვეწდნენ თავიანთ ტექნიკას, რის შედეგადაც ტეცუბინი (Tetsubin) იქცა არა მხოლოდ პრაქტიკულ საყოფაცხოვრებო ნივთად, არამედ იაპონური ოსტატობისა და ყოველდღიურ ცხოვრებასთან მჭიდროდ დაკავშირებული კულტურული მემკვიდრეობის სიმბოლოდ.
JAPAN Kutani
კუტანის კერამიკა (Kutani Ware), რომელიც ასევე ცნობილია როგორც Japan Kutani, იაპონური ტრადიციული ფაიფურის ერთ-ერთი ყველაზე ცნობილი და აღიარებული სახეობაა. იგი სათავეს იღებს Ishikawa პროვინციაში.
მისი ისტორია XVII საუკუნიდან იწყება, როდესაც ფაიფურის წარმოება დაიწყო Kaga-ს რეგიონში.
დროთა განმავლობაში კუტანის ფაიფური ჩამოყალიბდა კერამიკული ხელოვნების გამორჩეულ ფორმად, რომელიც იაპონური კულტურის მდიდარ ესთეტიკას ასახავს. დღეს იგი ფართოდ არის აღიარებული, როგორც იაპონიის ერთ-ერთი მნიშვნელოვანი ტრადიციული მრეწველობის ნიმუში და მაღალი შეფასებით სარგებლობს როგორც იაპონიაში, ისე მის ფარგლებს გარეთ.
Furoshiki Cloth
ფუროშიკი (Furoshiki) არის ტრადიციული იაპონური კვადრატული ქსოვილი, რომელიც გამოიყენება ნივთების შესახვევად, გადასატანად და შესანახად. მისი წარმოშობა მიეკუთვნება დაახლოებით Nara-ს პერიოდს (VIII საუკუნე), როდესაც ზემოხსენებულ ქსოვილებს იყენებდნენ ტაძრებსა და იმპერიულ კარზე ტანსაცმლის შესანახად და გადასატანად.
ტერმინი furoshiki ფართოდ დამკვიდრდა Muromachi-ს პერიოდში, როდესაც ადამიანები ამ ქსოვილებს იყენებდნენ თავიანთი ნივთების შესახვევად საზოგადოებრივ აბანოებში.
Matcha Tea Bowls
მაჩას ჩაის თასები (ჯამები), რომლებიც ცნობილია როგორც chawan, არის ტრადიციული იაპონური თასები, რომლებიც გამოიყენება მაჩას მომზადებისა და დალევისთვის იაპონურ ჩაის ცერემონიაში. მათი ისტორია XII–XIII საუკუნეებს უკავშირდება, როდესაც ფხვნილისებრი მწვანე ჩაის დალევის კულტურა ჩინეთიდან იაპონიაში გავრცელდა.
იაპონური ჩაის ცერემონიის განვითარებასთან ერთად, ეს ჯამები გადაიქცა სპეციალურ ჭურჭლად, რომელიც შექმნილია მაჩას ათქვეფისა და მისი დატკბობისთვის. XVI საუკუნეში ჩაის ოსტატმა სენ ნო რიკიუმ (Sen no Rikyū) ჩამოაყალიბა ვაბი–ჩას (wabi-cha) ფილოსოფია, რომელიც სიმარტივესა და ბუნებრივ სილამაზეს უსვამდა ხაზს და მნიშვნელოვნად განსაზღვრა მაჩას ჯამების დიზაინი და ესთეტიკა.
